Phir ek din aisa aayega

phir ek din aisa aayega
aankhon ke diye bujh jayenge
hathon ke kanval kumhalayenge
aur barg-e-zaban se nataq-va-sada
ke har titali ud jayegi
ik kale samandar ke tah mein
kaliyon ke tarah se khilati hui
phoolon ke tarah se hansati hui
sari shaklen kho jayengi
khoon ke gardish dil ke dhadakan
sab ranginiyan so jayengi
aur nili faza ke makhmal par
hansati hui hire ke ye kani
ye meri jannat meri zamin
is ke subahen is ke shamen
bejane hue besamajhe hue
ik musht gubar-e-insan par
shabanam ke ro jayengi
har cheez bhula di jayegi
yadon ke hasin butkhane se
har cheez utha di jayegi
phir koi nahi ye puchega
‘sardar’ kahan hai mahafil mein
lekin main yahan phir aaunga
bachon ke dahan se bolunga
chidiyon ke zaban se gaunga
jab bij hansenge dharati mein
aur konpalen apni ungali se
matti ke tahon ko chedengi
main patti patti kali kali
apni aankhen phir kholunga
sar sabz hatheli par lekar
shabanam ke qatre tulunga
main rang-e-hena aahang-e-gazal
andaz-e-sukhan ban jaunga
rukhsar-e-urus-e-nau ke tarah
har aanchal se chan jaunga
jadon ke havayen daman mein
jab fasal-e-khazan ko layengi
rahru ke jawan qadmon ke tale
sukhe hue patton se mere
hansane ke sadayen aayengi
dharati ke sunahari sab nadiyan
aakash ke nili sab jhilen
hasti se meri bhar jayengi
aur sara zamana dekhega
har qissa mera afsana hai
har aashiq hai saradar yahan
har mashuqa sultana hai
main ek gurezan lamha hun
ayyam ke afsunkhane mein
main ek tadapata qatra hun
masaruf-e-safar jo rehta hai
mazi ke surahi ke dil se
mustaqbil ke paimane mein
main sota hun aur jagata hun
aur jag ke phir so jata hun
sadiyon ka purana khel hun main
main mar ke amar ho jata hun

Tasvir teri dil mera bahala na sakegi Shayari

Tasvir teri dil mera bahala na sakegi
ye teri tarah mujh se to sharma na sakegi
main baat karunga to ye khamosh rahegi
sine se laga lunga to ye kuch na kahegi
aaram wo kya degi jo tadapa na sakegi
ye aankhen hain tahari huin chanchal wo nigahen
ye hath hain sahame huye aur mast wo bahen
parachai to insan ke kam aa na sakegi
in honton ko “faiyyaz” main kuch de na sakunga
is zulf ko main hath mein bhi le na sakunga
ulajhi hui raton ko ye sulajha na sakegi

Top Searches:

  • djpunjab sms

Besan ke sondhi roti par

besan ke sondhi roti par
khatti chatani jaisi man
yaad aati hai chauka-basan
chimata phukani jaisi man
bans ke khurri khat ke upar
har aahat par kan dhare
aadhi soi aadhi jagi
thaki dopahari jaisi man
chidiyon ke chahakar mein gunje
radha-mohan ali-ali
murge ke aavaz se khulati
ghar ke kundi jaisi man
bivi, beti, bahan, padosan
thodi thodi si sab mein
din bhar ik rassi ke upar
chalati natani jaisi man
bant ke apna chehara, matha,
aankhen jane kahan gai
phate purane ik alabam mein
chanchal ladaki jaisi man

Kash main tere hasin hath ka kangan hota

Kash main tere hasin hath ka kangan hota
tu bade pyar se bade chao se bade araman ke sath
apni nazuk si kalai mein chadhati mujh ko
aur betabi se furqat ke khizan lamhon mein
tu kisi soch mein dubi jo ghumati mujh ko
main tere hath ke khushbu se mahak sa jata
jab kabhi mud mein aa kar mujhe chuma karati
tere honton ke shiddat se main dahak sa jata
raat ko jab bhi tu nindon ke safar par jati
marmari hath ka ik takiya banaya karati
main tere kan se lag kar kai baten karta
teri zulfon ko tere gal ko chuma karta
jab bhi tu band qaba kholane lagti janan
apni aankhon ko tere husn se khera karta
mujh ko betab sa rakhta teri chahat ka nasha
main teri ruh ke gulashan mein mahakata rehta
main tere jism ke aangan mein khanakata rehta
kuch nahi to yahi benam sa bandhan hota
kash main tere hasin hath ka kangan hota

Main aarazu-e-jan likhun ya jan-e-arazu

main aarazu-e-jan likhun ya jan-e-arazu
tu hi batade naz se iman-e-arazu
iman-o-jan nisar teri ik nigah par
tu jan-e-arazu hai tu iman-e-arazu
ik wo ke aarazuon pe jite hain umr bhar
ik hum ke hain abhi se pasheman-e-arazu
aankhon se ju-e-khun hai ravan dil hai daag daag
dekhe koi bahar-e-gulistan-e-arazu

Ulati ho gain sab tadabiren, kuch na dawa ne kam kiya shayari

ulati ho gain sab tadabiren, kuch na dawa ne kam kiya
dekha is bimari-e-dil ne aakhir kam tamam kiya
ahd-e-javani ro-ro kata, piri mein lin aankhen mund
yani raat bahot the jage subah hui aaram kiya

Apni soi hui duniya ko jaga lun to chalun

apni soi hui duniya ko jaga lun to chalun
apne gamkhane mein ik dhum macha lun to chalun
aur ik jam-e-may-e-talkh chadha lun to chalun
abhi chalata hun zara khud ko sambhalun to chalun
jane kab pi thi abhi tak hai may-e-gam ka khumar
dhundhala dhundhala sa nazar aata hai jahan-e-bedar
aandhiyan chalati hain duniya hui jati hai gubar
aankh to mal lun zara hosh mein aa lun to chalun
wo mera sahir wo ejaz kahan hai lana
meri khoi hui aavaz kahan hai lana
mera tuta hua wo saz kahan hai lana
ik zara geet bhi is saz pe ga lun to chalun
main thaka hara tha itane mein jo aaye badal
kisi matavale ne chupke se badha di botal
uff wo rangin pur-asarar khayalon ke mahal
aise do char mahal aur bana lun to chalun
meri aankhon mein abhi tak hai muhabbat ka gurur
mere honton ko abhi tak hai sadaqat ka gurur
mere mathe pe abhi tak hai sharafat ka gurur
aise vahamon se bhi ab khud ko nikalun to chalun

Udas aankhon se aansu nahi nikalate hain

udas aankhon se aansu nahi nikalate hain
ye motiyon ke tarah sipiyon mein palate hain
ghane dhuen mein farishte bhi aa,nkh malate hain
tamam raat khajuron ke ped jalate hain
main shah reh nahin, raste ka pathar hun
yahan savar bhi paidal utar kar chalte hain
unhen kabhi na batana main unaki aankhen hun
wo log phul samajhakar mujhe masalate hain
ye ek ped hai, aa is se milakar ro lain hum
yahan se tere mere raste badalate hain
kai sitaron ko main janata hun bachpan se
kaheen bhi jaun mere sath sath chalte hain

Main apne khwab se bichada nazar nahi aata

main apne khwab se bichada nazar nahi aata
tu is sadi mein akela nazar nahi aata
ajab dabav hai in bahri hawaon ka
gharon ka bojh bhi uthta nazar nahi aata
main ek sada pe hamesha ko ghar chod aaya tha
magar pukarane vala nazar nahi aata
main teri reh se hatane ko hat gaya lekin
mujh to koi bhi rasta nazar nahi aata
dhuan bhara hai yahan sabhi ke aankhon mein
kisi ko ghar mera jalta nazar nahi aata

Top Searches:

  • waseem barelvi sher

Aaiye hath uthayen hum bhi

Aaiye hath uthayen hum bhi
hum jinhen rasm-e-dua yaad nahi
hum jinhen soz-e-mohabbat ke siwa
koi but, koi khuda yaad nahi
aaiye arz guzaren ki nigar-e-hasti
zahar-e-imaroz mein shirini-e-fardan bhar de
wo jinhen tabe garanbari-e-ayyam nahi
unaki palkon pe shab-o-roz ko halka kar de
jinaki aankhon ko rukh-e-subh ka yara bhi nahi
unaki raton mein koi shama munawwar kar de
jinake qadmon ko kisi rah ka sahara bhi nahi
unaki nazron pe koi rah ujagar kar de
jinaka din pairavi-e-kazbo-riya hai unko
himmat-e-kufr mile, jurat-e-tahaqiq mile
jinake sar muntazir-e-teg-e-jafa hain unko
dast-e-qatil ko jhatak dene ke taufiq mile
ishq ka sarr-e-nihan jan-tapan hai jis se
aj iqarar karen aur tapish mit jaye
harf-e-haq dil mein khatakata hai jo kante ke tarah
aj izahar karen or khalish mit jaye

free web tracker, fire_lady