Category Archives: Bewafa Shayari

Bewafa Shayari, broken heart shayari, udas shayari, hindi, shayari,urdu shayari, hindi poetry, sms shayari

Roshan Nanda Sher

Tamannaon ke bahalave mein aksar aa hi jate hain
kabhi hum chot khate hain kabhi hum muskurate hain
hum aksar doston ke bevafai sah to lete hain
magar hum janate hain dil hamare toot jate hain
kisi ke sath jab bite hue lamhon ke yaad aayi
thaki aankhon mein ashkon ke sitare jhil-milate hain

Qateel Shifai Shayari

wafa ke shish mahal mein saja liya main ne
wo ek dil jise pathar bana liya main ne
ye soch kar ki na ho tak mein khushi koi
gamon ki ot mein khud ko chupa liya main ne
kabhi na khatm kiya main ne roshani ka muhaz
agar chirag bujha, dil jala liya main ne
kamal ye hai ki jo dushman pe chalana tha
wo tir apne kaleje pe kha liya main ne
‘qateel’ jisaki adavat mein ek pyar bhi tha
us aadmi ko gale se laga liya main ne

Qamar Jalalvi Ghazal

chaman ke baharon mai tha aashiyana
na jane kahan kho gaya wo zamana

tumhen bhulane ke main koshish karunga
ye wada karo ke na tum yad aana

mujhe mere mitane ka gam hai to ye hai
tumhen bevafa kah raha hai zamana

khudara meri qabr pe tum na aana
tumhen dekh kar shaq karega zamana

Alam Tab ‘Tashna’ Nazam

aankh padati hai kaheen paon kaheen padta hai
sab ke hai un ko khabar apani khabar kuch bhi nahi
shama hai gul bhi hai bul-bul bhihai paravana bhi
raat ke raat ye sab kuch hai sahar kuch bhi nahi
hashr ke dhum hai sab kahate hain yun hai yun hai
fitana hai ek teri thokar ka magar kuch bhi nahi
nesti ke hai mujhe kucha-e-hasti mein talash
sair karta hun udhar ke ke jidhar kuch bhi nahi
ek aansu bhi asar jab na kare ae “tashna”
fayeda rone se ae dida-e-tar kuch bhi nahi

Balraj Komal Poem

ajanabi apne qadmon ko roko zara
janati hun tumhare liye gair hun
phir bhi thaharo zara
sunate jao ye ashkon Bewafa dastan
sath lete chalo ye mujassim fugan
aj duniya mein mera koi bhi nahi
meri ammi nahi
mere abba nahi
meri aapa nahi
mere nanhe se masum bhaiya nahi
meri ismat ki magrur kiranen nahi
wo gharonda nahi jis ki saye tale
loriyon ki tarannum ko sunati rahi
phul chunati rahi
git gati rahi
msukurati rahi
aj kuch bhi nahi
meri nazaron ki sahame hue aaine
meri ammi ki mere abba ki aapa ki
aur mere nanhe se masum bhaiya ki khoon se
hain dahashatzada
aj meri nigahon ki viraniyan
chand majaruh yadon se aabad hain
aj meri umangon ki sukhe kanval
mere ashkon ki pani se shadab hain
aj meri tadapati hui sisakiyan
ek saz-e-shikasta ki fariyad hain
aur kuch bhi nahi
bhuk mitati nahi
tan pe kapada nahi
aas madum hai
aj duniya mein mera koi bhi nahi
ajanabi apne qadmon ko roko zara
sunate jao ye ashkon bhari dastan
sath lete chalo ye mujassim fugan
meri ammi bano
mere abba bano
meri aapa bano
mere nanhe se masum bhaiya bano
meri ismat ki magrur kiranen bano
mere kuch to bano
mere kuch to bano
mere kuch to bano

Meer Taqi Meer Poet

Dam-e-subah bazm-e-khush jahan shab-e-gam se kam na thi meharaban
ki chirag tha so to dud tha jo patang tha so gubar tha
dil-e-khasta jo lahu ho gaya to bhala hua ki kahan talak
kabhi soz-e-sina se daag tha kabhu dard-o-gam se figar tha
dil-e-muzatarib se guzar gai shab-e-wasl apni hi fikr mein
na dimag tha na farag tha na shakeb tha na qarar tha
ye tumhari in dinon dostan mizhgan jis ki gham mein hai khun-chakan
wahi aafat-e-dil-e-ashiqan kisu waqt hum se bhi yar tha
kabhu jayegi udhar saba to ye kahiyo us se ki bewafa
magar ek “meer”-e-shikasta-pa tere bag-e-taza mein khar tha

Qateel Shifai Poetry

tune ye phul jo zulfon mein laga rakha hai
ik diya hai jo andheron mein jala rakha hai
jit le jaye koi mujhko nasibon vala
zindagi ne mujhe da o pe laga rakha hai
jane kab aaye koi dil mein jhankane vala
is liye main ne gireban ko khula rakha hai
imtehan aur meri zabt ka tum kya loge
main ne dhadakan ko bhi sine mein chupa rakha hai

Bewafa Shayari

tune ye phul jo zulfon mein laga rakha hai
ik diya hai jo andheron mein jala rakha hai
jit le jaye koi mujhko nasibon vala
zindagi ne mujhe da o pe laga rakha hai
jane kab aaye koi dil mein jhankane vala
is liye main ne gireban ko khula rakha hai
imtehan aur meri zabt ka tum kya loge
main ne dhadakan ko bhi sine mein chupa rakha hai

Top Searches:

  • bewafa shayari in hindi 120 character
  • bewafa sms free download
  • Bewafa shayari download
  • bewafa sms in hindi for girlfriend 120 words
  • bewafa shayari hindi 120 words
  • www urdu sairey com
  • hd barish hindi shayari mansun
  • hindi mobil sms bawafi
  • shayri in hindi font/tex